Այսօր կառավարության նիստի ժամանակ Նիկոլ Փաշինյանը դժգոհեց իրավապահ համակարգի աշխատանքից՝ տալով հստակ հանձանարարականներ․ «3-4 տարի առաջ էլ եմ ասել, որ կոռուպցիոներները սրճարաններում, ռեստորաններում առավոտից երեկո քեֆ են անում, հիմա էլ եմ ասում։ Ի՞նչն եմ սխալ արել, ի՞նչն ենք սխալ արել, ի՞նչ չենք տվել մեր իրավապահ համակարգին։ Էլի էդ նույն մարդիկ, ովքեր հանրապետությունում ճռիկներ-վռիկներ էին անում, էլի անում են, ովքեր մյուսներին վերևից էին նայում, էլի նայում են։ Սա չի կարա շարունակվի, ես կարամ 1, 2, 3, 4 տարի համբերեմ։ Ուժային համակարգի հարգելի ներկայացուցիչներ, իմ համբերության բաժակը լցվել է։ Այն, ինչ ինձնից ուզել եք տվել եմ, չեմ միջատել ոչ մի բանի, ոչ մեկի գործի մեջ չեմ մտել։ Ոնց որ «քյասիբի ռադիո» լինեմ, գալիս եմ ձեր միջոցառումներին, ելույթ ունենում, դուք էլ ծափ եք տալիս, թողնում, գնում եմ։ Հաջորդ տարի գալիս եմ, նույն ելույթն եմ ունենում, ավելի ուժեղ եք ծափ տալիս, թողնում, գնում եմ։ Ո՞վ է ում ձեռք առնում։ Ստացվում է, որ Հայաստանում թույլ իշխանությո՞ւն է, կներեք, ուրեմն թույլ է ուժային կառույցը։ Ի՞նչ է, անընդհատ ապացուցելու անհրաժեշտություն կա՞։ Ո՞նց կարա պետության մեջ որևէ մեկը թպրտա, ո՞նց կարա։ Ես հիմք եմ տվել՝ ասելու, որ կարա տենց բա լինի՞։ Էլ էս թեմայով խորհրդակցություն չեմ անելու․ ես չեմ կարա թույլ տալ, որ մեկը մտածի, թե վարչապետը մի բան էր ասեց էլի»,-ասաց Փաշինյանը։

«Նախկինում ունեինք Ոստիկանության մարզային վարչությունների և քաղաքային բաժինների և բաժանմունքների համակարգ։ Հիմա բոլոր մարզերում ունենք ուղղաձիգ ենթակայության երեք հիմնական կառույցներ․ առանձին քրեական ոստիկանություն, համայնքային ոստիկանություն և պարեկային ոստիկանություն։ Այսօր այս երեք ուղղություններն ունենք, որոնք ուղղաձիգ ենթակայությամբ ենթարկվելու են Ոստիկանության հանրապետական ղեկավարությանը, մարզային աստիճանակարգություն այլևս գոյություն չի ուենանլու, որը կարևոր է։ Մարզային մասշտաբում նույն ղեկավարին չեն զեկուցելու, ինչը հնարավորություն է տալու, որ այդ զեկույցները մինչև ՆԳՆ հասնելը չդեֆորմացվեն»,- կառավարության նիստի ժամանակ՝ անդրադառնալով Ոստիկանության համակարգի բարեփոխումներին ներկայացրեց Նիկոլ Փաշինյանը՝ հայտնելով նաև, որ հարջոդ՝ 4-րդ ուղղությունը դա ոստիկանության Գվարդիան է լինելու։
«Շատ կարևոր է Ոստիկանության բարեփոխումների տրամաբանության մեջ ուժի կիրառման հասկանալի և տեսանելի ստանդարտ ունենալը։ Մեր երկրում ուժի կիրառման ստանդարտ գոյություն չունի, բոլորի համար պետք է թափանցիկ լինիմ թե ոստիկանությունը ո՞ր դեպքում պետք է ուժ կիրառի»,-ասաց Փաշինյանը։