ASEKOSE.am-ի բլից  հարցերին պատասխանում է երգիչ Նարեկ Բավեյանը:

-Մանկությունից մնացած մի հուշ, որը միշտ ժպիտով եք հիշում:

-Միշտ ժպիտով եմ հիշում իմ փախուստը մանկապարտեզից:

-Ըստ Ձեզ, ինչպիսի՞ն է մեր ժամանակի երգարվեստը:

-Հայկական էստրադային երգարվեստը քիչ-քիչ դառնում է բազմազան, ինչը ինձ շատ ուրախացնում է: 

-Ո՞վ է համարվում Ձեզ համար ուսուցիչ երգարվեստում:

- Թամարա Ստամբոլցյան, Էմմա Պետրոսյան:

-Երազանք, որն արդեն իսկ իրականություն է դարձել:

- Իմ աշխատանքը երազանք է, որն ամեն օր իրականանում է:

- Շո՞ւտ եք կողմնորոշվում, երբ ընտրություն եք կատարում:

- Հիմնականում այո, շուտ եմ կողմնորոշվում:

- Ձեր բնավորության մեջ ի՞նչը կցանկանայիք փոխել…

-Անհամբերությունը, լարվածությունը:

-Ձեր թուլությունը:

- Գեղեցիկ կանայք: 

-Ի՞նչը կարող է Ձեզ վհատեցնել:

- Անտարբերությունը:

-Ձեր ո՞ր հատկանիշի համար է, որ Ձեզ սիրում են թե' կյանքում, թե' բեմում:

-Ես երբեք չեմ ձևացնում, անկեղծ եմ, երևի դրա համար էլ սիրում են: 

-Ի՞նչ է ընկերությունը Ձեզ համար: Ո՞վ կարող է համարվել իսկական ընկեր:

-Ընկերությունն առաջին հերթին հավատարմություն է: Ով կարող է հավատարիմ լինել, նա էլ համարվում է լավ ընկեր: 

-Կարողանո՞ւմ եք ժամանակ տրամադրել և' աշխատանքին, և'նախասիրություններին:

- Կարողանում եմ, ու վատ չի ստացվում:

-Ձեր մասին լսած ասեկոսեներից ո՞րն է Ձեզ զայրացրել և ո՞րը զվարճացրել:

-Այն, որ ես ղարաբաղցի եմ, դրա համար էլ հաջողություններ ունեմ երգարվեստում: Բայց ես ղարաբաղցի չեմ: 

-Ի՞նչ կմաղթեք Ձեր երկրպագուներին:

-Բոլորին կմաղթեմ լավ երաժշտություն: 

Հարցազրույցը` Երվանդ Մարեյանի