«Նոր մշակույթ բերվեց՝ պատարագներին մասնակցելու: Այսքան մարդ ե՞րբ էր ՀՀ-ում պատարագների մասնակցել»,- ԱԺ-ում, լրագրողների հետ զրույցում, ասաց խորհրդարանի նախագահ Ալեն Սիմոնյանը: Նրա խոսքով՝ շատերը նաև գնում են, որ վարչապետին տեսնեն, նամակ փոխանցեն:

***

«Էն մարդիկ, ովքեր պետք է տատիկ-պապիկների թոշակները բարձրացնեն, պետք է արհեստավարժ լինեն: Էն մարդ, ովքեր էսօր էդ տատիկ-պապիկների հոսանքի վարձի, որակի գործով են զբաղվում, ճանապարհներ, խաղաղություն են բերում ու բոլոր ուղղություններով աշխատում են, պետք է կարողանան երկիրը ներկայացնեն, նորմալ շոր հագնեն»,- լրագրողների հետ զրույցում ասաց ԱԺ նախագահ Ալեն Սիմոնյանը՝ արձագանքելով լրագրողի հետևյալ հարցին. «Մինչև վարչապետ լինելը՝ Նիկոլ Փաշինյանը խոսում էր տատիկ-պապիկների թոշակների մասին, աղքատության, նշում էր, որ այդ մարդիկ հացին կակա են ասում, ասում էր՝ տատիկ-պապիկները նիսյայով են ապրում: Այդ տատիկ-պապիկները նույն տատիկ-պապիկները չե՞ն»: