Շատերը կհամաձայնեն, որ քաղաքացիական հասարակությունը Հայաստանում փորձում են իրականություն դարձնել  բնապահպան ակտիվիստները. նրանք դեռ  3 տարի առաջ համախմբված պայքար սկսեցին Թեղուտում հանքավայրի շահագործման դեմ: Իսկ այսօր, երբ  Գառնու տաճարի մոտ սրճարան կառուցել-չկառուցելու շուրջ թեժ քննարկումներ էին ընթանում/ նշենք, որ միայն շաբաթավերջին, երբ հաղորդումն արդեն տեսագրված էր, հայտնի դարձավ, որ Գառնու տաճարի տարածքում սրճարան կառուցելու որոշումը չեղյալ է հայտարարվել/ և այստեղ ևս բնապահպան ակտիվիսնտերը ձեռքները ծալած չէին նստել: Իրենց պայքարի արդյունավետության, հետագա անելիքների, ձեռքբերումների, ինչպես նաև բազմաթիվ այլ հարցերի շուրջ  Asekose.am-ի «Բացարձակ արժեք» հաղորդման շրջանակում զրուցում ենք բնապահպան ակտիվիսիտ, Նախախորհրդարանի անդամ Եղիա Ներսեսյանի հետ: