«Ոստիկանությունն ահաբեկում է քաղաքացիներին և ակտիվիստներին, որ հետագայում չպայքարեն»: Այսօր լրագրողների հետ հանդիպման ժամանակ Կոմիտասի 5 հասցեում բազմահարկ շենքի շինարարության դեմ պայքարողների և ոստիկանության միջև բախումներին անդրադառնալով ասաց իրավապաշտպան, Հելսինկյան քաղաքացիական ասամբլեայի Վանաձորի գրասենյակի ղեկավար, Արթուր Սաքունցը` նշելով, որ ՀՀ քաղաքացին պետք է իրեն անապահով չզգա իր երկրում:
«Որևիցե ոստիկանի նկատմամբ, բացառությամբ մի քանի դեպքի, որը բռնարարքներ և արժանապատվությունը նվաստացնող վերաբերմունք է դրսևորում, պատասխանատվության չի ենթարկվում: Բայց այսօր իրավական բեսպրեդելին գալիս է դիմադրելու քաղաքացիական պոտենցիալը»,-նշեց բանախոսը` հավելելով, որ այսօր՝ ժամը 13-ին, ոստիկանության մոտ ցույց կլինի, ապա երթ` գլխավոր դատախազություն:
«Մենք դատապարտում ենք ՀՀ ոստիկանության կողմից ՀՀ և օտարերկրյա քաղաքացիների իրավունքների խախտումները»,- եզրափակեց Արթուր Սաքունցը:
