Ուկրաինայի կառավարության հայտարարությունից հետո, ըստ որի երկիրը դադարեցնում է Եվրամիության հետ Ասոցացման պայմանագրի ստորագրումը, հազարավոր ուկրաինացիներ կեսգիշերին դուրս են եկել Կիևի Անկախության հրապարակ և մտադիր են այստեղ անժամկետ բողոքի ակցիաներ կազմակերպել: Իսկ Ուկրաինայի վարչապետ Նիկոլայ Ազարովը, ով խորհրդարանում ներկայացրել է կառավարության որոշումն, արժանացել է ընդդիմության կոշտ արձագանքին: Ընդդիմադիր պատգամավորները բղավել են «Դո՛ւրս կորիր» և «Ամո՛թ», ինչպես նաև թղթեր են շպրտել վարչապետի ու կառավարության անդամների ուղղությամբ: