Հայաստանի ընթացիկ քաղաքականությունն առայժմ տրամադրում է՝ զուսպ գնահատականներ տալու ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի սպասվող հանդիպմանը։ Նման կարծիք է հայտնել ռուս քաղաքական մեկնաբան Անդրեյ Արեշևը։
«Դժվար է ասել՝ որքան հաջող կանցնեն այսօրվա միջոցառումները, այդ թվում՝ ԵԱՏՄ շրջանակում՝ հաշվի առնելով Նիկոլ Փաշինյանի բացահայտ ապակառուցողական դիրքորոշումը։ Փաշինյանի պահվածքը խոսում է այն մասին, որ նա կատարել է իր ընտրությունը և մտադիր է մինչև վերջ գնալ Ռուսաստանից քաղաքական շրջադարձի ճանապարհով։ Մոսկվա նրա այցի պատճառը ԵԱՏՄ-ում Հայաստանի նախագահությունն է, բայց թե որքանով բովանդակային կլինի այդ նախագահությունը, բարդ հարց է՝ հաշվի առնելով Երևանի քաղաքականությունը։ Փաշինյան-Պուտին հանդիպման ամբողջ տեղեկատվական ֆոնը դրական ակնկալիքներ չի ներշնչում»,- ասել է Արեշևը՝ РИА Новости-ին։
***
|
ՌԴ նախագահի խոսնակ Դմիտրի Պեսկովը մեկնաբանել է Վլադիմիր Պուտինի և ՀՀ վարչապետ Նիկոլ Փաշինյանի՝ այսօր Մոսկվայում սպասվող հանդիպումը։ «Մոսկվայում այսօր կայանալիք Փաշինյան-Պուտին հանդիպումն անհրաժեշտ է և սպասելի՝ երկու կողմերի համար»,- РИА Новости-ն մեջբերում է Պեսկովի խոսքը։ Պեսկովը նաև հայտնել է, որ հանդիպումը կկայանա երեկոյան։ ***
Վարչապետ Նիկոլ Փաշինյանն աշխատանքային այցով մեկնել է Ռուսաստանի Դաշնություն։ Մոսկվայում վարչապետ Փաշինյանի նախագահությամբ տեղի կունենա Եվրասիական տնտեսական բարձրագույն խորհրդի նիստը: Նախատեսվում է նաև ՀՀ վարչապետի և ՌԴ նախագահի հանդիպումը: *** |
|
|
ՌԴ նախագահ Վլադիմիր Պուտինը Հայրենական մեծ պատերազմում Հաղթանակի 79-ամյակի առթիվ շնորհավորական ուղերձ է հղել Հայաստանի, Ադրբեջանի, Բելառուսի, Ղազախստանի, Ղրղզստանի, Տաջիկստանի, Թուրքմենստանի, Ուզբեկստանի, Աբխազիայի և Հարավային Օսիայի ղեկավարներին, ինչպես նաև Վրաստանի և Մոլդովայի ժողովուրդներին, հաղորդում է Կրեմլի մամուլի ծառայությունը։ Պուտինը վստահություն է հայտնել, որ Հայրենական մեծ պատերազմի տարիներին ձևավորված եղբայրական բարեկամության կապերը կմնան հուսալի հիմք՝ հարաբերությունների զարգացման համար։ |
