Վերջին մեկ-երկու շաբաթներին Երուսաղեմի հայոց պատրիարք Նուրհան Մանուկյանի` Ամենայն Հայոց կաթողիկոսին հասցեագրված անձնական նամակի անհասնակալի կերպով համացանցում հայտնվելուց և քննարկման առարկա դառնալուց հետո բնական է, որ արձագանքներ պիտի հնչեին և պիտի հնչեին ամենահակասական կերպով. ընդ որում այդ արձագանքները պետք է հնչեին հանրության բոլոչ շերտերից` լրագրողներ, մշակույթի գործիչներ և այլք: Սա բնական է, և նույնիսկ սպասելի, քանի որ խոսքը համազգային մի այնպիսի կառույցի մասին է, ինչպիսին Եկեղեցին. ու թեև պատրիարքի կողմից ցուցաբերվեց ակնհայտ սխալ քայլ և ընթացք նամակը հանրայնացնելով, այնուամենայնիվ.... եղավ այն ինչ եղավ: Այս ֆոնի վրա շատերի համար սպասելի էր նաև, որ պիտի հայտնվեին պնակալեզներ ևս, ովքեր ալիքի վրա պիտի փորձեին հեղինակություն վաստակել անուն հանել: Ու թեև արդեն մոտ 10 օր է անցել, սակայն պնակալեզը հայտնվեց այսօր` Վահան Ղուկասյան անունով, ով գրեց բավական անտաղանդ ու «ծեծված» նյութ փորելով պաշտպանել Նուրհան պատրիարքին և հատկապես վարկաբեկել Գարեգին Բ Կաթողիկոսին:Երբևէ աչքի չեմ ընկել եկեղեցասիրությամբ ու հրապարակումներիս մեջ էլ եկեղեցական թեմատիկան արտացոլված է այնքանով, որքանով այն հանրային հրատապություն կամ հնչեղություն ունի: Այսուհանդերձ միշտ ձեռնպահ եմ մնացել մերկապարանոց հայտարարություններից և միշտ աշխատել եմ եկեղեցու և բանակի հարցում լինել ծայրահեղ զգույշ և յուրաքանչյուր խոսքս անկախ ոճից հիմնավորել կամ ապացուցողական դարձնել: Մինչդեռ մեր նորօրյա նուրհանյան փաստաբանը վեհափառին վերագրում է արարքներ ասես հենց նոր է վեհափառից հրաժեշտ առել ու լավագույնս տիրապետում է եկեղեցական կյանքին: Ես չէ, որ պիտի պաշտպանեմ և առաջնորդների դատավորը միայն Աստված է ու ժամանակը, սակայն այն, որ միայն Հայաստանի մի քանի քաղաքներ որ ի սկզբանե եկեղեցիներ չեն ունեցել, այժմ ունեն եկեղեցիներ և քահանաներ, որոնք ծառայում են այնտեղ, այն, որ բացառիկ կերպով անվճար կերպով շուրջ երկու հարյուր և ավելի երիտասարդներ ուսում են ստանում Էջմիածնի ճեմարանական համակարգում այն դեպքում, երբ ուսման վճարների թանկացման դիմաց արդեն սոցիալական հերթական ընդվզումն է հասունանում, կամ այն, որ մի քանի հազար կարիքավորներ սնվում են բարեսիրական ճաշարաններում ..... այս ամբողջը բավարար է ինձ մտածելու համար, որ իրապես այսօր պատրիարքի մեղադրանքները անհիմն են և առավել մերկապարանոց են բոլոր նրանց մեղադրանքները, ովքեր փորձում են վարկաբեկել վեհափառին ու նսեմացնել եկեղեցու դերը` չմտածելով նույնիսկ, որ եկեղեցու մի մասնիկն էլ իրենք են: Մի խոսքով, մնում է միայն ասել. փորձեցիր լայքահավաք անել Վահան ջան, քո գրածով, չգիտեմ ոնց ստացվեց, բայց որ ցույց տվեցիր որքան էժան ես որպես հայ դա ապացուցեցիր միանշանակ: Իսկ Նուրհան պատրիարքի գործերի որևէ ապացույց դեռ չենք տեսել.... ու հույս էլ չկա որ կտեսնենք:

Արմ Հակ