«Սիրելի հայրենակիցներ, պատրա՞ստ եք, որ Փաշինյանը որոշի, թե դուք այսօր ինչ պիտի ուտեք, կամ ուր գնաք: Վստահ եմ, որ ոչ: Բայց ինքն արդեն փորձում է մեզ թելադրել՝ ինչ խոսենք, ինչին հավատանք, ինչով հպարտանանք, ում հերոսացնենք»,- ԱԺ հայտարարությունների ժամին ասել է «Պատիվ ունեմ» խմբակցության ղեկավար Հայկ Մամիջանյանը: Անդրադառնալով քաղբանտարկյալների հարցին՝ նշել է, որ ՀՀ-ում այս պահին 50-ից ավելի քաղբանտարկյալ կա: «Նրանք ազատությունից զրկված են, որովհետև Փաշինյանին դուր չի գալիս, թե նրանք ինչ են խոսում, ինչպես են մտածում, ինչին են հավատում»,- հավելել է նա: