Բաղրամյան պողոտայում խորհրդանշական սահմանազատում իրականացրին և այդ անունով սյուն «տնկեցին» բլոգեր Արթուր Չախոյանը, Հեղափոխության պահապաններ նախաձեռնության նախկին անդամներից Հայկ Ստեփանյանը և եւս մի քանի երիտասարդներ: «Սահմանազատեցինք, մնում է այս թալանչի իշխանությունը հասկանա, որ սյունն արդեն հասել է Երևան»,- ասաց Չախոյանը:

Դիտեք նաև՝

***

«Նարեկը Մարգարյանը հայտնի է ձեզ «Արմքոմեդի» հումորային հաղորդումից: Էս վերջերս ինձ սղոցել են, բայց ոչինչ»,- Նարեկ Մարգարյանին ներկայացնելիս` կատակեց Բագրատ Սրբազանը: Նարեկ Մարգարյանը խոսեց ֆեյքերի ու նրանց հայհոյախոսության դեմ պայքարելու եղանակների մասին:

Հիշեցնենք, որ օրեր առաջ «Արմքոմեդի»-ին հումորով քննադատել էր շարժմանը` դանդաղ գործելու համար:

ԱԺ-ում ներկա կառավարության հրաժարականի հարցի քննարկումը և հրավիրված նիստը կայանալու է հունիսի 17-ին` ժամը 18:30-ին, այս մասին Բաղրամյան պողոտայում վերահաստատեց «Հայաստան» խմբակցության քարտուղար Արծվիկ Մինասյանը:

Նա նշեց, որ սա իրավունքի ուժով պարտադրված նիստ է և պետք է գումարվի։

«Միայն մնում է, որ ՔՊ-ն ունենա կամք և գա այդ նիստին, որպեսզի իրենց հակափաստարկները բերեն այն փաստի շուրջ, որ այս կառավաությունը անելիք չունի և պետք է հեռանա։

Հունիսի 17-ին` ժամը 18:30-ին, նիստը գումարվելու է»,- ասաց Մինասյանը:

Հիշեցնենք` Ազգային ժողովի խորհուրդը երեկ մերժեց ընդդիմադիր խմբակցությունների՝ Աժ արտահերթ նիստ հրավիրելու վերաբերյալ միջնորդությունը։