Չեմպիոնների լիգայի կիսաեզրափակչի պատասխան խաղում Մյունխենի Բավարիան սեփական հարկի տակ հյուրընկալել էր Մադրիդի Ռեալին:
Պեպ Գվարդիոլայի սաները Մադրիդում պարտվել էին 1-0 հաշվով և այսօր պետք է ցուցադրեին իրենց լավագույն խաղը: Սակայն ևս մեկ անգամ ապացուցվեց, որ տիկի-տական արդեն սպառել է իրեն:
Ինչպես և Մադրիդում, հանդիպումն անցավ Բավարիայի տարածքային առավելությամբ: Սակայն Կառլո Անչելոտիի ապավինած ֆուտբոլը հիանալի կերպով արդարացրեց իրեն: Առաջին խաղակեսում արքայական ակումբն ուղղակի ջախջախեց իր կտրուկ հակագրոհներով և կարողացավ միանգամից երեք գնդակ ուղարկել մրցակցի դարպասը: Նախ 16-րդ րոպեին Ռամոսը բացեց խաղի հաշիվը, ապա 4 րոպե անց իսպանացին արդեն երկու գոլի առավելություն պարգևեց իր թիմին: 34-րդ րոպեին էլ Կրիշտիանու Ռոնալդուն ջախջախիչ դարձրեց առավելությունը:
Երկրորդ խաղակեսում Բավարիան մեծացրեց ճնշումը Ռեալի նկատմամբ, սակայն այդպես էլ թիմը չկարողացավ գոլ հեղինակել: Խաղավերջում էլ դաշտի տերերը բաց թողեցին ևս մեկը, դուբլի հեղինակ դարձավ Ռոնալդուն:
Բավարիա-Ռեալ Մադրիդ՝ 0-4
