Ռուսաստանը մտադիր է ուժեղացնել Բելառուսի հետ համատեղ ՀՕՊ համակարգը և նախապատրաստվել Հայաստանի և Ղազախստանի հետ նման համակարգեր ձևավորելուն: РИА Новости-ի հաղորդմամբ՝ այս մասին ասել է ՌԴ նախագահ Վլադիմիր Պուտինը՝ բարձրաստիճան սպաների ներկայացման արարողության ժամանակ:
«Նախատեսում ենք ամրացնել Բելառուսի հետ համատեղ հակաօդային պաշտպանության համակարգը, ապա ձևավորել նմանատիպ համակարգեր Հայաստանի և Ղազախստանի հետ»:
Նա նշել է, որ ընթացիկ տարում հաջողությամբ են անցկացվել ռուս - բելառուսական ռազմավարական զորավարժությունները, իսկ Հայաստանի, Բելառուսի, Ղազաստանի և Տաջիսկտանի մասնակցությամբ տարածաշրջանային խմբավորումների ստեղծման հարցն ընթացքի մեջ է:
