Սամվել Կարապետյանը (Տաշիրի Սամո) երկու շաբաթ առաջ Հայաստանում գտնվելու օրերին Սերժ Սարգսյանի խնդրանքով 2 օր անընդհատ Գագիկ Ծառուկյանին փորձել է համոզել, որ նախագահական ընտրություններում չառաջադրի իր թեկնածությունը, բայց վերջինս չի համաձայնել: Սամվել Կարապետյանը Ծառուկյանի առաջադրումը բնութագրել է, որպես հակամարդկային և հակաբարոյական:
«Առաջին լրատվական»`1in.am -ն է գրում այս մասին ու նշում, որ իր ունեցած տեղեկություններով, Ս. Կարապետյանը Հայաստանում էր՝ Գագիկ Բեգլարյանի աղջկա հարսանիքին մասնակցելու համար: Նա այդ հարսանիքի կնքահայրն էր:
Ս. Կարապետյանը նաև Գ. Ծառուկյանի դստեր և ԱԺ նախագահ Հովիկ Աբրահամյանի որդու ամուսնության կնքահայրն է.այսինքն՝ նա Ծառուկյանի հետ բարեկամական կապ ունի:
Ս. Կարապետյանի՝ Հայաստանից մեկնելուց երկու օր հետո` դեկտեմբերի 12-ին Գ. Ծառուկյանը հայտարարել է, որ ոչ առաջադրվելու է և ոչ էլ այլ թեկնածուի է սատարելու: Սրանից հետո Ս. Կարապետյանը Գ.Ծառուկյանից սրտնեղել է, որ նա իր խնդրանքը չի կատարել, բայց հետո անսպասելիորեն հրաժարվել է իր թեկնածության առաջադրումից: Օրեր անց, Ծառուկյանը փորձել է զանգահարել Սամվել Կարապետյանին, սակայն վերջինս անպատասխան է թողել զանգերը:
