Այս լուսանկարը իր ֆեյսբուքյան էջում այսօր տեղադրել էր խմբագիր, հասարակական ակտիվիստ Արգիշտի Կիվիրյանը, որից հետո մի շարք կայքերում այն հայտնվեց նույնաբովանդակ վերնագրով` «Սևանի ափին նոր թռչող գազան է հայտնաբերվել»:
«Սևան ազգային Պարկ»-ի փոխտնօրեն,կենսաբան Վահե Գուլանյանը ASEKOSE.am - ի հետ զրույցում պաշտոնապես հայտարարել է, որ լուսանկարը որքան էլ հետաքրքրաշարժ լինի, դրա ներքո ու մասին տարածված տեղեկությունները չեն համապատասխանում իրականությանը` Սևանի ափին նման տարօրինակ թռչուն կամ թռչող գազան չի հայտնաբերվել:
Կենսաբանը նշել է նաև, որ անգամ անոմալիայի դեպքում նման գազան չէր առաջանա: Ըստ մասնագետի , լուսանկարում պատկերված գազանի բերանի ապարատն ու մարմնի չափերը որևէ կերպ իրար հետ համատեղելի չեն ու այն չէր կարող ապրել:
«Ամենայն հավանականությամբ ֆոտոշոփ է օգտագործված»,-ASEKOSE.am - ին նշել է «Սևան ազգային Պարկ»-ի փոխտնօրենը:
