Սրբազան պայքարի առաջնորդ Բագրատ արքեպիսկոպոս Գալստանյանը Մարտունիում է: Լրագրողների հետ զրույցում անդրադառնալով Փաշինյանի՝ Տավուշ այցին, նշել է․ «Նեռը գնացել է Բերքաբեր։ Է՜ն գլխից բերքաբերցիներին խաբել է, հիմա գնացել է Բերքաբեր՝ ի՞նչ անի, նորից սուտ խոսելու, չէ՞, փող առաջարկելու, կաշառելու․․․ նույն ձեռագիրը։ Ու այսպես ամեն ժամանակ է անելու։ Մեր պայքարի նպատակը՝ այդ շղթան, կորուստների շարքը կանգնեցնելն է»։

***

«Կիրանցի մեր ժողովրդին, ոսկեպարցիներին հսկայական գումարներ են առաջարկում, մի հատ փոքրիկ տնակի համար 50 հազար դոլար, որը սկի 1000 դոլար չարժե։ Ոչ մի անգամ չեն պատասխանել՝ էդ գումարները որտեղի՞ց, ո՞ր կետով, օրենքո՞վ է, անօրինակա՞ն է։ Փաստերի ստուգման հարթա՛կ, գնացեք, հարցրեք՝ որտեղի՞ց էդ գումարները»,- Մարտունիում, լրագրողների հետ զրույցում, ասել է Բագրատ Սրբազանը։ «Եթե բյուջեից է, քեզ ո՞վ է թույլ տվել էդքան փող տաս․ ժողովրդի գրպանից է հավաքված բյուջեն, իրենք համաձայն եղե՞լ են, որ տնակին 50 հազար դոլար փող տաս»,- շարունակել է շարժման առաջնորդը։