ԱԺ «Ժառանգություն» խմբակցության քարտուղար Զարուհի Փոստանջյանը, ամփոփելով ԱԺ 2013թ. առաջին կիսամյակի աշխատանքները, լրագրողների հետ հանդիպման ժամանակ ասել է.
«Խորհրդարանի երրորդ նստաշրջանի աշխատանքների արդյունքում հասարակության համար որևէ բան չբարելավվեց: Խորհրդարանի ՕԳԳ-ն զրո եմ գնահատում։ Նվազագույն աշխատավարձի բարձրացումն ուղղակի գալիս է փակելու այն գնաճը, որի ականատեսն ենք մենք ամեն օր։ Ազատամարտիկների վերաբերյալ օրենքն անգամ սոցիալական որևէ հարց չի լուծում: ԱԺ-ն նրա համար է, որ ընդունվեն օրենքներ, որոնք իրապես ծառայում են հասարակությանն ու ժողովրդին, իսկ մենք չունենք օրինագիծ, որի արդյունքում բարելավում է տեղի ունենում: Սոցիալական վիճակն ամենապայթյունավտանգը Հայաստանում է»,-փաստել է Զարուհի Փոստանջյանը` հավելելով.
«Անհրաժեշտ է ցրել այս խորհրդարանը և կազմակերպել նոր ընտրություններ, որպեսզի այնտեղ ներգրավված լինեն այնպիսի անձինք, ովքեր կոռումպացված չեն և ներկայացնում են հասարակության շահերը։
