ASEKOSE.am-ի տեղեկություններով` հավանական է, որ ՀՀ նախագահ Սերժ Սարգսյանը, արձակուրդից վերադառնալուն պես, կրկնի արդեն հայտնի արտահայտությունը`«Տարոն ջան, սիրուն չի»` միաժամանակ հորդորելով վերանայել տրանսպորտի ուղեվարձի թանկացման մասին որոշումը:
Հարկ է նշել, որ երթուղային տաքսիների վարորդներից ոմանք` ակտիվիստների ճնշման ներքո արդեն վերադարձել են նախկին սակագնի:
Ուղեվարձի թանկացման դեմ բողոքի ակցիան ավելի ու ավելի լայն շերտեր է ընդգրկում և, իշխանությունների մտավախությամբ, իրավիճակը կարող է դուրս գալ վերահսկողությունից:
Միաժամանակ, իշխանությունը, ստեղծված լարված իրավիճակի լուծումը կծառայեցնի քարոզչական նպատակներով, ինչպես դա արվեց Մաշտոցի պուրակի համար պայքարում:
Եթե, ըստ տարածված կարծիքի, Մաշտոցի պուրակի համար բողոքի ակցիաներն ուղղորդվում էին իշխանության կողմից, ուղեվարձի թանկացման դեմ իրականացվող ակցիաներն ինքնաբուխ են և կարող են լուրջ գլխացավանք դառնալ ոչ միայն Տարոն Մարգարյանի, այլ նաև Սերժ Սարգսյանի համար:
Տեսանյութը` yerkir.am-ի:
