▲ Դեպի վեր

lang.iso lang.iso lang.iso

Տիգրան Բալայանը սպանության սպառնալիքներ է ստացել Ադրբեջանի դեսպանից

ԵՄ-ում ՀՀ ներկայացուցչության ղեկավար դեսպան Տիգրան Բալայանը հայտարարել է, որ սպանության սպառնալիքներ է ստացել ԵՄ-ում Ադրբեջանի դեսպանից: Հաղորդում է POLITICO-ն։ 

Հայաստանի դեսպանությունը այս դեպքով, ըստ աղբյուրի, պաշտոնական բողոք է հղել Բրյուսելում այլ դիվանագիտական առաքելություններին։

Բանագնացների շրջանում տարածված նամակում, որը վկայակոչում է POLITICO-ն, նշվում է, որ Հայաստանի դեսպան Տիգրան Բալայանը բանավոր հարձակումների և ահաբեկումների է ենթարկվել Ադրբեջանի դեսպան Վագիֆ Սադիկովի կողմից, որը ակնհայտ սպառնալիքներ է հնչեցրել Բալայանի հասցեին։ 

Հաղորդվում է, որ միջադեպը տեղի է ունեցել Բրյուսելի Tangla հյուրանոցում ընդունելության ժամանակ, որը կազմակերպվել էր Թուրքիայի դեսպանատան կողմից՝ ի պատիվ երկրի ազգային տոնի: 

Աղբյուրը գրում է․

«Ենթադրվում է, որ սա Անկարայի կողմից հովանավորվող առաջին միջոցառումն էր, որին Հայաստանի դեսպանատունը, 2020 թվականի պատերազմից ի վեր, հրավիրվել էր։

Սակայն, շփվելով POLITICO-ի հետ, Սադիկովը հերքել է, որ միջադեպ է տեղի ունեցել՝ հայտարարելով, որ «ծիծաղելի են» նման մեղադրանքները։ Նրա խոսքով՝ ընդունելությանը եղել է լավ մթնոլորտում՝ «հայ դիվանագետները կարող են պնդել այն, ինչ ուզում են», ասել է նա։ 

Հայաստանի դեսպանությունը հրաժարվել է հետագա մեկնաբանություններից: Թուրքիայի դեսպանատունն անմիջապես չի պատասխանել դեպքի մասին հարցմանը»։ 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Քաղաքական more