«Երկիր Ծիրանի» կուսակցությունը համահայկական մեծ ընդվզման քարոզարշավը շարունակեց Երևան քաղաքում: Կուսակցության քարոզչական խումբը Զարուհի Փոստանջյանի գլխավորությամբ, այցելեց «Երևան մոլ», «Փեթակ», «Տաշիր» առևտրի կենտրոններ:
Ըստ կուսակցության տարածած հաղորդագրության, «Երևան մոլ»-ի անվտանգության աշխատակիցներ ներկայացած անձինք փորձել են խոչընդոտել քաղաքացիների և առևտրականների հետ հանդիպումը:
Իրազեկման ակցիայի ընթացքում կուսակցության և Երևանի ավագանու «Երկիր Ծիրանի» խմբակցության անդամներ Մարինա Խաչատրյանը, Սոնա Աղեկյանը, ինչպես նաև Զարուհի Փոստանջյանը կարևորել են հատկապես միաժամանակյա և տևական ընդվզումը: