«Պատասխանում եմ Արմեն Աշոտյանի հարցերին

ՀՀ Ազգային ժողովի արտաքին հարաբերությունների ու ֆինանսավարկային և բյուջետային հարցերի մշտական հանձնաժողովների համատեղ նիստում «ՀՀ 2019 թ. պետական բյուջեի մասին» ՀՀ օրենքի նախագծի քննարկումների շրջանակում այսօր ներկայացրի սփյուռքի նախարարության 2019 թվականի ծրագրերն ու բյուջեն:

Հատկապես կարևորեցի այն հանգամանքը, որ մասնավոր հատվածի հետ համագործակցության շնորհիվ 2018-ին կարողացանք տասնյակ միլիոնավոր դրամների խնայել, և այս պրակտիկան առավել ակտիվորեն նաև մյուս տարի ենք շարունակելու:

Խոսեցի նաև ուսուցիչների վերապատրաստման, ուսումնաօժանդակ նյութեր համայնքեր մատակարարելու, այս ոլորտում նորարար տեխնոլոգիաների լայն կիրառման և սփյուռքի հայ համայնքների մասին հետազոտական աշխատանքների կարևորության մասին»,-գրել է Սփյուռքի նախարար Մխիթար Հայրապետյանը ֆեյսբուքյան իր էջում՝ տարածելով տեսանյութ: