Համացանցում տարածված աղմկահարույց տեսանյութի հետ կապված Asekose.am-ը պարզաբանում է խնդրել «Հայաստանի սոցիալիստական շարժում» կուսակցության նախագահ Ռոբերտ Ահարոնյանից, ով կտրականապես հերքել է, որ արական սեռի երկու ներկայացուցիչների միջև վիրտուալ շփման մասին տեսանյութի տղամարդը ինքն է:
Անդրադառնալով տեսանյութում մի պահ երևացող երիտասարդին, ում մինչ այդ կարելի էր տեսնել Ռոբերտ Ահարոնյանի կողքին՝ նրա կողմից կազմակերպված միջոցառումների ու հարցազրույցներից մեկի ժամանակ, «Հայաստանի սոցիալիստական շարժում» կուսակցության նախագահը նշել է, որ այդ տեսանյութը ամբողջությամբ կեղծիք է և այն ԼԳԲՏ համայնքի էժանագին պայքարն է իր դեմ:
« Ես պայքարում եմ այդ համայնքի դեմ, որ չի կարելի գովազդել, որ չի կարելի դրա մասին դասագրքեր սարքել, որ չի կարելի երեխան դառնա 18 տարեկան և որոշի` ինքն էգ է, թե որձ»,-Asekose.am-ի զրույցի ընթացքում նշել է Ռոբերտ Ահարոնյանը:
Ռոբերտ Ահարոնյանն արդեն դիմել է ոստիկանություն, սակայն սպառնում է, որ եթե մի քանի օրից մեղավորները չպատժվեն, ինքն անձամբ է հաշվեհարդար տեսնելու նրանց հետ:
«Ես արյուն եմ թափելու, խփելու եմ էդ մարդկանց, ոտքը ո..ից պոկելու եմ»,- Asekose.am-ի հետ զրույցը եզրափակեց «Հայաստանի սոցիալիստական շարժում» կուսակցության նախագահ Ռոբերտ Ահարոնյանը:
Ներկայացնում ենք Ռոբերտ Ահարոնյանի հետ հեռախոսազրույցը՝ զգուշացնելով, որ դրանում կան ոչ կոռեկտ և վիրավորական արտահայտություններ:
