▲ Դեպի վեր

ՎԵՐՋԻՆ ԼՈւՐԵՐԸ

Բացահայտվել է կալանավորի կողմից ուրիշի գույքը հափշտակելու մի քանի տասնյակ դեպքեր. ԱԱԾ-ի տեսանյութը

Դուռը փակեք, մնում ենք բանտում կամ Սերժի հրաժարականի որոշ մանրամասներ. Արարատ Միրզոյանի գրառումը

1 տարի առաջ այս օրը... Հուզվեցի... Փաշինյանը՝ Սարգսյանի հրաժարականի հայտարարությունը կարդալու պահին

Մաքուր Երևան պարտադիր լինելու է. Հայկ Մարության

Չեմ կարող դրանք պահել ինձ մոտ, դա արդեն ֆանատիզմ է. Անի Հովակ



2016-06-20 11:42:34

Այսօր՝ հունիսի 20-ին, Հայ Արտ մշակութային կենտրոնում բացվելու է Անի Հովակի անհատական ցուցահանդեսը, որը տևելու է ընդամենը մեկ օր:Asekose.am-ը զրուցել է երիտասարդ նկարչուհու հետ սպասված ցուցահանդեսի, դրա կարևորության, օրվա խորհուրդի և մեծ երազանքների մասին:

«Այս ցուցահանդեսը իմ բոլոր ցուցահանդեսներից, թերևս, ամենամեծն է, որին ներկայացված են մոտ 5 տասնյակ նկարներ, հիմնականում կլինեն կոլաժային գործեր: Նշեմ, որ ցուցահանդեսին ներկա կլինեն նաև «Հովեր» և «Զանգակներ» խմբերը և միասին կերգենք: Այս ցուցահանդեսն ինձ համար ամփոփում է, իմ աշխատանքների հանրագումարը: Գուցե սրանից հետո որոշ ժամանակ այլևս ոչինչ չանեմ, մինչև նոր բան մտածելը: Ոչ մի խորագիր չեմ ընտրել, թերևս, կարելի է այն անվանել « Իմ աշխարհը», քանի որ այնտեղ բոլոր նկարներն իմ աշխարհի մասնիկներն են: Ես ծայրահեղ անկեղծ եմ և ամեն ինչ փորձում եմ այդ ձևով անել: Ինչպես ցանկացած նկարչի, այնպես էլ իմ աշխատանքներն իմ ներքին աշխարհի դրսևորումներն են, իմ խոստովանությունները նախ և առաջ ինքս իմ առաջ,-Asekose.am-ի հետ զրույցի ընթացքում պատմեց Անին:

Մեր այն հարցին՝ ինչու՞ է ցուցանհանդեսը տևելու ընդամենը մեկ օր, Անին նշեց. «Ես ուղղակի որոշում եմ ինչ-որ բանով զբաղվել և միանգամից գործի եմ անցնում: Այս ցուցահանդեսն էլ դրա վառ ապացույցն է, որ որոշեցի կարճ ու արագ կազմակերպել ամեն ինչ: Կյանքում շատ հաճախ լինում եմ Անի Հովակ արվեստասերի հակապատկերը՝ կասկածամիտ, ինչ-որ տեղ անհամարձակ, սակայն ուրախ եմ, որ գույների աշխարհում ես լիովին ազատ եմ, ես ժամանակի ու տարածքի մեջ ճամփորդում եմ»:

Մեր զրուցակիցը, անդրադարձավ նաև նախորդ ցուցահանդեսին, որը տեղի էր ունեցել «Նավավար» ձկնալի ըմպելարանում.

«Նախորդ ցուցահանդեսս պարզապես հրաշալի անցավ: Մի քանի գործ վաճառվեցին: Առհասարակ, կարող եմ ասել, որ ցուցահանդեսի հետ կապված սպասելիքներս լիովին արդարացան: Ցուցահանդեսից հետո շատերը գրեցին ինձ սոցիալական ցանցով, որ եկել են ձուկ ուտելու և անակնկալի են եկել՝ տեսնելով, որ Նավավարի միջավայրին համահունչ  համապատասխան նկարներ ն կախված, որոնք իրենք շատ են հավանել: Այդ նամակներից շատ եմ ուրախացել ու ոգևորվել, քանի որ գրողները անծանոթ մարդիկ էին, այսինքն՝ կարող եմ ասել, որ աշխատանքս գնահատվել է մարդկանց կողմից»:

Ինչպես յուրաքանչյուր արվեստագետի, այնպես էլ Անի Հովակի համար ցուցանադեսները մեծ նշանակություն ունեն:

«Առաջին ցուցահանդեսը եղավ «Նարեկացի» արվեստի միությունում, երբ ես դեռ ընդամենը մի քանի արված աշխատանք ունեի: Երբ ինձ ասացին, որ նայել ու հավանել են աշխատանքներս և պատրաստ են տարածք տրամադրել ցուցահանդեսի համար, ես շատ ոգևորվեցի: Այս իմաստով ես շատ շնորհակալ եմ այդ կենտրոնին՝ առաջին հնարավորություն ընձեռելու համար և նաև ընկերներիս, ովքեր շատ օգնեցին ինձ այդ հարցում: Շատ հետաքրքիր զգացողություններ էին, երբ դու ինչ-որ բան ես անում, ու դրանք տանն են, միայն քո ու մտերիմների համար, մեկ էլ հանկարծ դրանք դառնում են բոլորինը: Դրանից հետո եղան ևս մի քանի ցուցահանդեսներ, նույնիսկ հասցրել եմ ցուցահանդես-վաճառքներ ունենալ տարբեր սրճարաններում: Ցուցահանդեսները հնարավորություն են տալիս առաջին հերթին գնահատված զգալ քեզ օտար մարդկանց կողմից, քանի որ ընկերներդ, հարազատներդ, միևնույն է, տեսնում ու գնահատում են գործերդ»,- մեզ հետ զրույցի ընթացքում անկեղծացավ Անին, ապա հավելեց. « Դժվար չեմ բաժանվում նկարներիցս, եթե տեսնում եմ, որ գնում են լավ ու նկարներից հասկացող մարդիկ: Ես հասկանում եմ, որ իմ գործերը պետք է ճամփորդեն, ես չեմ կարող դրանք պահել ինձ մոտ, դա արդեն ֆանատիզմ է»:

Երիտասարդ նկարչուհին մեծ ցանկություն ունի դրսում մասնակցելու տարբեր փառատոնների ու մրցույթների, ներկայացնելու իր գործերն արտերկրում, սակայն դեռ չունի հովանավորներ:

«Ամեն ինչ ինքս եմ անում: Ճիշտ է, մեծ ցանկություն ունեմ դուրս գնալու և մասնակցելու տարբեր ցուցահանդեսների, սակայն դեռ բավարար ֆինանսական միջոցներ չունեմ»,-անկեղծացավ Անին՝ լավատեսորեն համոզված լինելով, որ ամեն ինչ դեռ առջևում է:

Նշենք, որ այսօր  Անի Հովակի ծննդյան օրն է: Asekose.am-ը շնորհավորում է երիտասարդ նկարչուհուն՝ մաղթելով ստեղծագործական հաջողություններ և բազմաթիվ ցուցահանդեսներ: 

 

Հեղինակ՝ Լիլիթ Նավասարդյան

Լուսանկարները՝ Անի Հովակի ֆեյսբուքյան էջից

Կարդացեք նաև՝ Ինձ վատ չեմ զգում, որ աշխատանքներս վաճառում եմ…Անի Հովակը` իրեն քննադատողների մասին և ոչ միայն







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.