Դառը փորձից ելնելով՝ կապված իր դարն ապրած  circle.com կայքի հետ, մենք երբեք չենք վստահել կայքերին գնահատող վարկանիշային ընկերություններին ու առավել ևս չենք ոգևորվել այդ վարկանիշերում մեր կայքի զբաղեցրած տեղից:

Առավել ևս՝ «Similarweb.com»-ում, որտեղ գրանցված է Asekose.am-ը, հայկական  կայքերի  վարկանիշային որոշ կասկածելի ու մտահոգիչ երևույթների մասին մեր կարծիքը հայտնել ենք ժամանակին՝ «SimilarWeb. Հավատա՞լ, թե՞ չհավատալ» հրապարակմանա մեջ: 

«Հայկական տեղեկատվական կենտրոն» անունով ինչ-որ կազմակերպություն այսօր հերթական հաղորդագրությունն է տարածել՝ «Հայկական լրատվական կայքերի վարկանիշ - Հոկտեմբեր ամիս» վերտառությամբ, որտեղ Asekose.am-ի այցելությունները նշված են 892.100՝ իբր թե  կազմված հոկտեմբեր ամսվա այցելությունների ցուցանիշների հիման վրա՝ ըստ «Similarweb.com» վարկանշային կայքի՝ նոյեմբերի 17-ի դրությամբ: 

Սա հատկանշական է այն առումով, որ Asekose.am-ի դեպքում՝ ամիսներ շարունակ, similarweb-ի և նրան կցված մեկ այլ հաշվիչի տվյալները  համընկել են ու նույն ցուցիչն են ներկայացրել, իսկ վերջին երկու ամիսներին՝ դրանք խախտվել են...Կամ գուցե խախտե՞լ են.../Նշենք, որ հոդվածի այս հատվածն ավելի հստակեցնելու նպատակով խմբագրել ենք ավելի ուշ՝ հաշվի առնելով, որ «Հայկական տեղեկատվական կենտրոն» -ը չէր հասկացել, թե մենք ինչ նկատի ունենք ու պարզաբանում էր ներկայացրել/

Սա   Asekose.am-ի տեսակետն էր միայն մեր մասով... Իսկ թե ինչ բնորոշում կարելի է տալ ոմանց  այս գործելաոճին ու ինչ նպատակներով է դա արվել՝ թողնում ենք մեր ընթերցողների մեկնաբանություններին ու դատին:

Հուսանք, որ  Similarweb բրիտանական հաշվի համակարգը մտահոգվելու մեծ առիթ ունի, թե ովքեր և ինչպես են իրենց  կայքի վարկանիշները ներկայացնում հայաստանյան ընթերցողներին: 

Asekose.am