Արցախի հերոս Ռոբերտ Աբաջյանի ծնողները չեն մեկնել արտագնա աշխատանքի: Այս մասին ֆեյսբուքյան ուղիղ եթերի ժամանակ հայտնեց ՀՀ վարչապետ Նիկոլ Փաշինյանը՝ արձագանքելով օգտատերերից մեկի հրապարակած տեղեկությանը, թե հերոսի ծնողները ծանր սոցիալական պայմանների պատճառով մեկնել են ՌԴ աշխատելու:
Վարչապետը հավելեց, որ հունիսի 30-ին կառավարական առանձնատանն ընդունել է հերոսի հորը, զրուցել Ռոբերտի մասին: «Ես նրան խնդրել եմ պատմել Ռոբերտի մասին, շատ հուզիչ հանդիպում ենք ունեցել, դա անձնական հանդիպում է եղել, այդ պատճառով տեղեկատվություն չի եղել: Բացի այդ Ռոբերտի հայրն էլ, ես որքան հասկացա, չէր ցանկանում, որ այդ պահին տեղեկատվություն տրվի այս մասին:
Ռոբերտի կերպարը առաջին իսկ օրվանից ինձ հուզել է, նա ինձ համար մեր նոր սերնդի ամենաուժեղ կերպարներից մեկն է»,-ասաց վարչապետը:
Փաշինյանը հավելեց, որ Ռոբերտ Աբաջյանի ընտանիքը երկար ժամանակ ապրել է ՌԴ-ում, նա էլ է ապրել այնտեղ, ապա եկել է, զորակոչվել բանակ:
«Ես խոսակցության սկզբում էլ ասել եմ, որ մեզ բոլորիս պատիվ չի բերում, որ նրանք չապրեն Հայաստանում: Հայրն էլ ասել է, որ մտածում են Հայաստան տեղափոխվելու մասին: Բայց պարզ է, որ նրանք երկար ժամանակ ապրել են ՌԴ-ում»,-նշեց վարչապետն ու հավելեց, որ Ռոբերտի և մյուս հերոս տղաների կերպարն է ունեցել իր աչքի առաջ հեղափոխության ընթացքում, և ինքը պարտավորված է զգում նրանց առաջ:
Կարդացեք նաև՝ Նախիջևանի հետ սահմանին և շփման գոտում կուտակումներ կան, ինչպիսիք եղել են Ապրիլյան պատերազմի օրերին. Նիկոլ Փաշինյան
Կան մարդիկ, ովքեր ասում են, որ 1-2 ամիս կանցնի, կմոռանան և կսկսեն փող աշխատել. Նիկոլ Փաշինյան
Մեր ֆուտբոլում փոփոխություններն անխուսափելի են. Փաշինյանը հիշեցրեց ՀՖՖ-ում ընտրությունների մասին
Կարողանալու ենք հիփոթեքային վարկերի տոկոսադրույքը աննախադեպ մակարդակի իջեցնել. Փաշինյան
