Դիտեք նաև՝
Արդեն տեղեկացրել էինք, որ երեկ Կասկադի համալիրում նշվել է ջազի միջազգային օրը, որին մասնակցել է նաև երգչուհի Անուշիկ Ալավերդյանը:
Արդեն տևական ժամանակ է, ինչ համացանցում քննարկվում է այն փաստը, որ Անուշիկը պատրաստվում է մայրանալ,սակայն երգչուհին այս փաստը մինչ օրս ոչ հերքում էր և ոչ էլ հաստատում:
Երեկվա համերգին Անուշիկ Ալավերդյանն այլևս չէր կարող թաքցնել իր կլորացած փորիկը, ինչի վերաբերյալ էլ` մանրամասներ ստանալու համար, Asekose.am-ի թղթակիցը կապ հաստատեց վերջինիս հետ.
«Այո,ես հաստատում եմ իմ հղիությունը,սակայն այլ մանրամասներ դեռ չեմ ցանկանում տալ: Մի փոքր ավելի ուշ ամեն բան պարզ կդառնա»,- ասաց երգչուհին:
Հիշեցնենք , որ Անուշիկ Ալավերդյանի ամուսինը երաժիշտ Կարեն Մամիկոնյանն է. ամուսինները բավական երկար ժամանակ է, ինչ բեմում միասին են հանդես գալիս:
Հեղինակ` Անի Հարությունյան
