Արդեն տեղեկացրել ենք այն մասին, որ ռուսական «Голос» նախագծի 4-րդ եթերաշրջանին իրենց մասնակցությունն են ունենալու նաև Աննա Խաչատրյանը և Արամ MP3-ը, ովքեր արդեն իսկ հաղթահարել են մրցույթի նախնական փուլը: Մինչ կույր լսումների փուլը, ակտիվորեն քննարկվում է, թե ովքեր են Դիմա Բիլանից, Պելագեյայից, Լեոնիդ Ագուտինից և Ալեքսանդր Գրադսկիից հետո զբաղեցնելու կարմիր աթոռները: Տեղեկացնենք, որ ռուսական ԶԼՄ-երից մեկին հաջողվել է պարզել, թե ովքեր են լինելու «Голос»-ի այս եթերաշրջանի մարզիչներից երեքը. Եվ այսպես, նրանք են՝ Պոլինա Գագարինան, Գրիգորի Լեպսը և ռեփեր Բաստան:
Թե որքանով են այս անունները համապատասխանում իրականությանը, Ռուսասատանի առաջին ալիքը դեռևս ոչ մի տեղեկություն չի հաղորդում: Ըստ մրցույթի պրոդյուսերների՝ մարզիչների վերջնական անունների ցուցակը կհաստատվի կույր լսումների փուլից ընդամենը մեկ շաբաթ առաջ:
Կարդացեք նաև՝ Վստահ էի ուժերիս վրա. Աննա Խաչատրյանը և Արամ MP3-ը՝ ռուսական «Голос» նախագծի բեմում
