Ամերիկաբնակ հայերին շուտով ներկայացման տեսքով անակնկալ է սպասվում: Հոկտեմբերի 23-ին և հոկտեմբերի 30-ին Լոս Անջելեսում բնակվողները «Barnsdall Gallery» թատրոնում կարող են վայելել Դավիթ Սեխպեյանի բեմադրած «Ես, իմ մաման ու մեր կանայք» նոր ներկայացումը: Դերասանական կազմում ընդգրկված են` Հռիփսիմե Կիրակոսյանը, Աննա Նուրիջանյանը, Էնջլ Մարտիրոսյանը, Մարինե Մինասյանը, Նարինե Պողոսյանը և Վահագն Ստեփանյանը, ով առավել հայտնի է որպես Դելո:
Նշենք, որ Դավիթ Սեխպեյանը ոչ միայն տվյալ ներկայացման ռեժիսորն է, այլև գլխավոր դերակատարներից մեկն է: Հավելենք, որ «Ես, իմ մաման ու մեր կանայք» ներկայացումն ունի հումորային տարրեր, ինչպես նաև հագեցած է երգերով և պարերով: Ավելին` դերասանական կազմին միացել են նաև «M dance» ստուդիոյի պարուհիները:
