Համաշխարհային աստղերը շարունակում են իրենց աջակցությունը հայտնել Հայոց ցեղասպանության մասին պատմող «Խոստումը» ֆիլմին:
Այս անգամ Instagram-ի իր էջում գրառում է կատարել հոլիվուդյան դերասան Սիլվեսթր Ստալոնեն: Նա մասնավորապես գրել է.
«Այս արտասովոր ֆիլմը կցուցադրվի ապրիլի 21-ին...սա մի թեմա է, որն ինձ միշտ հետաքրքրել է, եւ երկար ժամանակ էր պետք, որպեսզի ինչ-որ մեկը վերջապես այն վերածեր ֆիլմի: Սա ճշմարիտ ու կարեւոր պատմական դրամա է, որն «Օսկար» ստանալու բոլոր նախադրյալներն ունի: Գլխավոր դերակատարները հրաշալի են իրենց գործը կատարում: Ուզում եմ նաեւ հատուկ նշել պրոդյուսեր Մայք Մեդավոյին, քանի որ այս ֆիլմում այնքան շատ բան կա, որ ես նույնիսկ նախանձում եմ»:
Հավելենք, որ նախորդ օրը ֆիլմի մասին գրել է նաեւ աշխարհահռչակ դերասանուհի Բարբարա Սթրեյզենդը, իսկ ավելի վաղ ֆիլմը դիտելու կոչով իր ֆեյսբուքյան էջում հանդես էր եկել հայտնի երաժիշտ Էլթոն Ջոնը:
Հիշեցնենք, որ Ցեղասպանության մասին պատմող «Խոստումը» ֆիլմի համաշխարհային պրեմիերան տեղի է ունեցել ապրիլի 21-ին է: Ֆիլմի ստեղծողը «Ռուանդա հյուրանոց» ֆիլմի ռեժիսոր Թերրի Ջորջն է, գլխավոր դերերում են աստղեր Օսկար Իսահակը, Քրիստիան Բեյլը և Շարլոտ Լե Բոնը:
