Այսօր առավոտյան հայտնել էինք Կոտայք մարզի Պտղնի գյուղում տեղի ունեցած սպանության մասին: Նշենք, որ նույն գյուղի բնակիչ, 28-ամյա Արման Բաղդասարյանը կասկածվում է համագյուղացու՝ 34-ամյա Արսեն Ազիզյանի սպասնության մեջ:
Ֆոտոլրագրող Գագիկ Շամշյանի տեղեկություններով՝ շինությունը, որտեղ կասկածյալը թաքցրել է հանցագործության գործիքը` ավտոմատը, պատկանում է Պտղնիի գյուղապետի ազգականին:
Կատարվածի վերաբերյալ Asekose.am-ը զրուցեց Պտղնիի գյուղապետ Առաքել Վիրաբյանի հետ, ով մեզ հայտնեց, թե ինքը կատարվածի վերաբերյալ տեղեկություն չունի և չի կարող մեր հարցերին պատասխանել, ապա անջատեց հեռախոսը: Դրանից հետո գյուղապետը չպատասխանեց մեր զանգերին՝ այդ կերպ հրաժարվելով մեկնաբանել իր ազգականի հետ կապված տեղեկությունները:
Հեղինակ՝ Ատոմ Գրիգորյան
