Ռուսական բոլոր տուրօպերատորները չեղյալ են հայտարարել դեպի Թուրքիա մեկնող չարտերային չվերթները, ինչպես նաև դադարեցրել են տոմսերի վաճառքն այդ ուղղությամբ: Այդ մասին հայտնել է Ռուսաստանի տուրօպերատորների ասոցիացիայի փոխնախագահ Դմիտրի Գորինը: Վերջինս նաև նշել է, որ այն ՌԴ քաղաքացիները, ովքեր այս պահին հանգստանում են Թուրքիայում, նրանք ավելի վաղ վերադառնալու կարիք չեն ունենա և կվայելեն իրենց ծրագրած հանգիստը:
Հիշեցնենք, որ օրերս, մի քանի հարյուր մարդ է հավաքվել Մոսկվայում Թուրքիայի դեսպանատան առջև՝ բողոք արտահայտելու ռուսական Սու-24 ինքնաթիռը խոցած թուրքական կողմի գործողությունների դեմ:
