Քննության վարկածով՝ Մոսկվայի կենտրոնում «Սիթիբանկ»-ի մասնաճյուղն օրերս գրաված Արամ Պետրոսյանը հանցագործության է դիմել բանկերին ունեցած պարտքերը վճարել չկարողանալու պատճառով: Այդ մասին հայտնել է Ռուսաստանի քննչական կոմիտեի մայրաքաղաքային բաժնի ղեկավարի ավագ օգնական Յուլիա Իվանովան,: Այս մասին գրում է «ՌԻԱ Նովոստին»:
«Գլխավոր վարչության քննիչները որպես առաջնահերթ շարժառիթ են դիտարկում ծանր ֆինանսական դրությունը և տարբեր բանկերի առաջ ունեցած վարկային պայմանագրերով ստանձնած պարտավորությունները կատարելու հնարավորության բացակայությունը»,- ասել է Իվանովան:
Ավելի վաղ Մոսկվայի Պրեսնենսկի դատարանը Արամ Պետրոսյանին կալանավորելու միջնորդություն էր ստացել:
Հիշեցնենք, որ սնանկացած գործարարը գրավել էր Մոսկվայի «Սիթիբանկի» մասնաճյուղը՝ պատանդներ վերցնելով, սակայն որոշ ժամանակ անց բաց էր թողել պատանդներին և հանձնվել ոստիկաններին:
