ՀՀ վարչապետ Կարեն Կարապետյանի որոշմամբ՝ Վահե Ստեփանյանը նշանակվել է կառավարության աշխատակազմի ղեկավար-նախարարի առաջին տեղակալ։
Այս մասին տեղեկացնում է ՀՀ կառավարության կայքը։
«Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետը՝ Վահե Ստեփանյանին նշանակել Հայաստանի Հանրապետության կառավարության աշխատակազմի ղեկավար-նախարարի առաջին տեղակալ»,-ասվում է որոշման մեջ։
Նշենք, որ մինչ այս Ստեփանյանը զբաղեցնում էր «Գազպրոմ Արմենիա» ՓԲԸ աշխատակազմի ղեկավարի տեղակալի պաշտոնը:
Հիշեցնենք, որ վարչապետի խորհրդական Շուշան Սարդարյանը կառավարություն նույնպես տեղափոխվել է «Գազպրոմ Արմենիա» ՓԲԸ-ից:
