«Հրապարակ» թերթը գրում է. Հանրային հեռուստառադիոընկերության խորհրդի անդամ է ընտրվել հայտնի սցենարիստ, Հայկական պետական մանկավարժական համալսարանի հեռուստառադիոլրագրության ամբիոնի վարիչ Լեւոն Գալստյանը։
Հանրային ռադիոն եւ հեռուստատեսությունը ղեկավարում է հինգ անդամից բաղկացած Հանրային հեռուստառադիոընկերության խորհուրդը, որի անդամներն ընտրվում են վեց տարի ժամկետով եւ ամսական 2 հազար դոլարից մի փոքր պակաս աշխատավարձ են ստանում։ Թե որպես խորհրդի անդամ ինչ հարցեր է իր ուշադրության տիրույթում պահելու, Լեւոն Գալստյանը՝ ասաց. «Ինչ վերաբերում է իմ անելիքներին, դա խորհուրդը պետք է քննարկի, եւ ըստ այդմ կորոշվի իմ աշխատանքի ոլորտը։ Այս պահին մենք դեռ չենք էլ հանդիպել եւ միայն իմ գործընկերների հետ խոսել, քննարկելուց հետո պարզ կդառնա այն շրջանակը, որտեղ ես անելիքներ պետք է ունենամ»:
Հեղինակ՝ Սոնա ԱԴԱՄՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
