Մամուլում հրապարակում էր եղել, ըստ որի` կիրակի կեսգիշերին Չարբախ թաղամասում գտնվող «Լիա» գեղեցկության սրահում տեղի ունեցած արյունահեղության հետրում կանգնած են քերական հեղինակություններ Արա եւ Ալիկ Բանդուրյանները: ՀՀ ոստիկանության մամուլի ծառայությունից տեղեկանում ենք, որ այսօր` նոյեմբերի 18-ին, բերման է ենթարկվել քրեական հեղինակություն Բանդուրյան եղբայրներից՝ Ալիկը «Քյավառցի Ալիկ» ու եւս մեկ անձ՝ Գալստյան Արմենը՝ «Բդո» մականունով:
Հիշեցնենք, որ նոյեմբերի 13-ին կրակոցներ են հնչել Շիրակի փողոցի շենքերից մեկի նկուղային հարկում գտնվող սրահում: Ստացած հրազենային վիրավորումից մահացել են 37-ամյա Մուշեղ Մուշեղյանը և 25-ամյա Գևորգ Ավետիսյանը, իսկ 35-ամյա Արամ Պետրոսյանը ստացել է կրծքավանդակի աջ հատվածի հրազենային վնասվածք: Նրա վիճակը բժիշկները գնահատում են կայուն ծանր:
Հիշյալ սպանությունը պարտակելու կասկածանքով ավելի վաղ ձերբակալվել էր «Լիա» գեղեցկության սրահի տնօրեն` 46-ամյա Ա. Մանուչարյանը՝ Չարբախցի Գեղամ անունով հայտնի Պետրոս Իսրայելյանի կինը:
