Yerkir.am-ը գրում է. Այսօր առավոտյան ՀՀ պետական սահմանի պաշտպանության համար մղված մարտերի ընթացքում զոհված ավագ լեյտենանտ Շավարշ Մելիքյանը մեկ տարուց ավելի է, ինչ պայմանագրային հիմունքներով ծառայում էր Բերդում:
Կայքի տեղեկություններով՝ նա սովորել է Վազգեն Սարգսյանի անվան ռազմական ինստիտուտում, ծառայել է ՀՀ տարբեր զորամասերում, այդ թվում` Գորիսում տեղակայված զորամասում, եղել է դասակի հրամանատար:
Կայքի հետ զրույցում Մելիքյանի հրամանատարությամբ ծառայած զինծառայողներ պատմել են, որ նա հիանալի սպա էր, վարժ տիրապետում էր ռազմական գործին, ընկերասեր էր, զինվորներին նվիրված:
«Զինվորների կողմից շատ սիրված էր, բոլորը նրան հարգում էին»,- ասել է մեր զրուցակիցը:
Ըստ տեղեկությունների՝ Մելիքյանն Աշոցքից էր, ընտանիքի միակ արու զավակը:
Հիշեցնենք, որ այսօր Տավուշի ուղղությամբ հակառակորդը դիվերսիոն ներթափանցման փորձ է արել, ինչի արդյունքում հայկական կողմն ունի 3 զոհ՝ ավագ լեյտենանտ Շավարշ Մելիքսեթի Մելիքյան, շարքայիններ Էդգար Գրիգորի Նարայան և Էրիկ Գարիկի Աբովյան:
Առավել մանրամասն՝ սկզբնաղբյուր կայքում