Այսօր `փետրվարի 18–ին, ՄՀՀ–ում ԵԿՄ համագումարի մեկնարկից առաջ լրագրողների հետ զրույցում Սյունիքի նախկին մարզպետ Սուրիկ Խաչատրյանը նշեց, որ իր ցանկությամբ չի ընդգրկվել ՀՀԿ ցուցակում:
«Չուզեցի, չառաջադրվեցի»: Լրագրողների այն հարցին` արդյո՞ք որևէ նեղվածություն կա կուսակցությունից, որ իրեն չեն առաջադրել, Սուրիկ Խաչատրյանն արձագանքեց. «Ինչից նեղվեմ»:
Սուրիկ Խաչատրյանն ասաց, որ ինքը, այնուամենայնիվ, առաջիկա ընտրություններին սատարելու է Հանրապետականին, սակայն հրաժարվեց պատասխանել հարցին, թե կոնկրետ որ թեկնածուին է սատարելու`«Էդ մի բանն էլ մի իմացեք»։