Հուլիսի 20-ին հակառակորդի կողմից կրկին թիրախավորվել է Տավուշի մարզի Չինարի գյուղը:
«Փաստինֆո»-ի տեղեկություններով՝ կրակոցներ են արձակվել բնակավայրերի և Չինարի գյուղի մանկապարտեզի ուղղությամբ:
Այդ ամենից բացի, հակառակորդի դիպուկահարը թիրախավորել է 17-ամյա մի պատանու, սակայն երիասարդը, ով մեծացել է այդ կրակոցների ներքո և կոփված է եղել, կարողացել է թաքնվել՝ ինչի արդյունքում կրակոցները պատանուն չեն դիպել:
Սակայն, մեր տեղեկություններով, գյուղի բնակիչների տների և մանկապարտեզի ուղղությամբ արձակված կրակոցների հետևանքով գյուղացիները նյութական վնասներ են կրել:
Նշենք, որ երեկ ժամը 23։00-01։00-ն ընկած ժամանակահատվածում ադրբեջանական կողմը գնդակոծել է Տավուշի մարզի Բարեկամավան գյուղը: Սկզբում կրակել են դիրքերի, ապա գյուղի ուղղությամբ:Համայնքապետի փոխանցմամբ՝ հակառակորդը կրակել է «ԴՇԿ» և «ԱԳՍ» զենքերից: Կրակոցներից տուժածներ չկան, միայն տանիքներ են վնասվել: