Aysor.am-ը գրում է. «Մալայան ակնաբուժական կենտրոն»-ի սեփականատեր, ՀՀ առողջապահության նախարարության գլխավոր ակնաբույժ Ալեքսանդր Մալայանն անհիմն է որակում լուրերն այն մասին, թե, իբր, իր և ՀՀ առողջապահության նախարար Լևոն Ալթունյանի հարաբերությունները լարվել են:
«Լրիվ հակառակն է, մեր հարաբերությունները լավ են եղել, հիմա` առավել ևս»,- կայքի թղթակցի հետ զրույցում ասաց Ալեքսանդր Մալայանն`անդրադառնալով մամուլում տարածված լուրերին:
«Մալայան ակնաբուժական կենտրոն»-ի սեփականատերը տարածված լուրը որակեց խայտառակ հնարք:
«Թե որն է այդ լուրը գրելու պատճառը` չեմ կարող ասել, դա ուղղակի ֆանտազիայի ժանրից է, իմ ու պարոն Ալթունյանի միջև բացարձակապես կոնֆլիկտ չի եղել, ես, բացի հարգանքից, բարձրագույն գնահատականից, նրա հասցեին ոչինչ չեմ կարող ասել»,- մեզ հետ զրույցում ասաց Ա. Մալայանը:
Ալեքսանդր Մալայանն ասաց, որ որևէ անգամ ոչ մի լրատվամիջոցի հրապարակմանը չի արձագանքել, երբևէ հարցազրույցներ չի տվել, բայց այս անգամ պատրաստվում է պաշտոնական հայտարարությամբ հանդես գալ:
«Շատ զայրացած եմ, պատրաստվում եմ պաշտոնապես հերքել այդ ստահոդ լուրը: Ես 13-14 նախարարների հետ աշխատել եմ, երբևէ հարաբերությունների աղավաղում չի եղել»,- նշեց նա:
Առավել մանրամասն` սկզբնաղբյուր կայքում