Նոյեմբերի 20-ին Քննչական կոմիտեի ավագ քննիչը դատախազ եղբայրների կողմից ծեծի է ենթարկվել: Ավագ քննիչը ծեծի է ենթարկվել Կենտրոն Նորք-Մարաշ վարչական շրջանների քննչական բաժնում:
Դեպքի վերաբերյալ «Փաստինֆո»-ն Գլխավոր դատախազի ԶԼՄ-ների հետ կապերի գծով խորհրդական Գոռ Աբրահամյանից տեղեկացել է, որ նման հաղորդում ստացվել է, և Գլխավոր դատախազ Արթուր Դավթյանի կողմից հանձնարարվել է նյութերն ուղարկել Հատուկ քննչական ծառայություն հանգամանքներն ուսումնասիրելու նպատակով:
Նշենք նաև, որ կայքի թղթակցի հարցին, թե դեպքի վերաբերյալ Ոստիկանությունում հաղորդում ստացվել է արդյոք՝ ՀՀ ոստիկանության հասարակայնության հետ կապերի և լրատվության վարչության աշխատակից Զարզանդ Գաբրիելյանը հրաժարվել է որևէ տեղեկություն տրամադրել:
Ըստ մամուլում շրջանառվող տեղեկությունների՝ 26-ամյա ավագ քննիչ Սուրեն Նազարյանը ծեծի է ենթարկվել դատախազներ 32-ամյա Նարեկ և Հայկ Խաչատրյանների կողմից: Դատախազները երկվորյակ եղբայրներ են:
Աղբյուրը ` Փաստինֆո