▲ Դեպի վեր

ՎԵՐՋԻՆ ԼՈւՐԵՐԸ

Երբ քաղցկեղը դատավճիռ չէ. ինչպես Էդգար Գյանջումյանը հաղթահարեց ծանր հիվանդությունը և ոչ միայն

Ինչի՞ համար են մի կերպ շնչող, կոշիկ հագնող գեներալները

Հայազգի օրենքով գողերի ամենաաղմկահարույց սպանությունները

Սարսափում եմ. եթե Արցախն առանձին իշխանություն չունենար՝ արդեն Ադրբեջանի կազմում կլիներ

Պահանջում են դադարեցնել Հայաստանում ռուսական ալիքների հեռարձակումը. հայտարարություն



2017-12-07 12:03:02

 

Ժիրայր Սեֆիլյանի կոչով ստեղծված «Հանուն Հայաստանի Պետության ճակատը» հանդես է եկել հայտարարությամբ, որտեղ իշխանություններից պահանջում է դադարեցնել  Հայաստանում ռուսական հեռուսաալիքների հեռարձակումը:

Հայտարարությունում ասվում է.

«Եվրամիության հետ Համապարփակ եւ ընդլայնված գործընկերության համաձայնագրի ստորագրումը ռուսական ԶԼՄ-ներում եւ հատկապես հեռուստատեսությամբ առաջացրեց  հակահայկական հիստերիայի մի ալիք, որին բնորոշ են մերկապարանոց մեղադրանքները, Հայաստանի ինքնիշխանությունը կասկածի տակ դնելը եւ նույնիսկ դրա իրավունքը մերժելը, կանխամտածված վիրավորական եւ նվաստացուցիչ համեմատությունները եւ զուգահեռները։

Գիտակցելով, որ դա առաջին հերթին Հայաստանի իրար հաջորդող իշխանությունների կողմից մեր ինքնիշխանության ներքին եւ արտաքին բովանդակության դեմ ուղղված քայքայիչ եւ հակապետական գործունեության հետեւանքն է, միաժամանակ մերժելի ենք համարում մեր ինքնիշխանության, ազգային եւ մարդկային արժանապատվության եւ հիմնարար իրավունքների դեմ ցանկացած ոտնձգություն։

Մշտապես ազգային խտրականություն, նախկին Խորհրդային Միության անկախացած մասերի հանդեպ մեծապետական շովինիզմ, Մարդու իրավունքների հանդեպ քամահրանք քարոզող, լրագրական էթիկայի ընդունված նորմերը մերժող ռուսական հեռուստաալիքներից մի քանիսը Հայաստանում գործում են հանրապետական կամ տարածքային պետական լիցենզիայի հիման վրա, իսկ մի մասն էլ, ինչպես օրինակ շովինիստական ագրեսիվ մոտեցումներով եւ փաստերի այլասերված ներկայացմամբ տխրահռչակ ՆՏՎ եւ Զվեզդա հեռուստաալիքները, տարածվում են լիցենզավորված կաբելային ցանցերի միջոցով։

Ուստի պահանջում ենք ՀՀ Սահմանադրության եւ «Զանգվածային լրատվության մասին»,   «Էլեկտրոնային հաղորդակցության մասին»,  «Լեզվի մասին», «Հեռուստատեսության եւ ռադիոյի մասին» գործող օրենքների համաձայն դադարեցնել «ՌՏՌ-Պլանետա», Պեռվիյ կանալ, Միռ հեռուստաալիքների լիցենզիան ազգային խտրականության, ՀՀ սահմանադրական կարգի դեմ ոտնձգության, զրպարտության եւ օրենքով մերժելի այլ սիստեմատիկ քարոզի համար։

Նույն պատճառով պարտադրել կաբելային հեռուստատեսության ծառայություն մատուցող ընկերություններից դադարեցնել վերոհիշյալ, ինչպես նաեւ «ՆՏՎ», «Զվեզդա», «Ռեն ՏՎ» եւ հասարակական-քաղաքական բովանդակություն մատուցող բոլոր ՌԴ հեռուստաալիքների վերահեռարձակումը։

Լիովին անընդունելի եւ չարդարացված ենք համարում պետական մակարդակով մասնակցությունը «ՄԻՌ» հեռուստաընկերության գործունեությանը՝ Հայաստանի հանդեպ ուղղակի թշնամական քաղաքականություն վարող եւ նույնիսկ պատերազմող երկրների հետ միասին։

Կոչ ենք անում հանրությանը միանալ այս պահանջին եւ բոյկոտել նշված ալիքները, ինչպես նաեւ դիմում ենք հայկական ընկերություններին, որպեսզի չապահովեն դրանք գովազդային եկամուտներով»։







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.