Հանրության մոտ խուճապ է առաջացրել անհայտ ու գարշահոտ, անորակ բրնձի առկայությունը շուկայում։
«Կեղծ բրինձը որևէ կապ չունի պլաստմասայի հետ։ Այն կարտոֆիլի օսլայից է պատրաստվում, որին ավելացվում են ինչ-որ նյութեր: Կեղծ բրինձը, եթե լցնենք ջրի մեջ, կբարձրանա ջրի երես»,- ասում է ՀՀ ԳԱԱ էկոկենտրոնի սննդի շղթայի ռիսկերի գնահատման կենտրոնի ղեկավար Դավիթ Պիպոյանը և ներկայացնում իրենց լաբորատորիայում արված փորձի արդյունքը, երբ բրինձը չի նստել ջրի հատակին։ Բայց պարզվել է, որ բրնձի հատիկները կոտրատված են եղել և թեթևության պատճառով է այն բարձրացել վերև։
Փորձագետը խորհուրդ է տալիս խուսափել չեփվող, գարշահոտ բրնձի օգտագործումից։