galatv.am-ի տեսանյութում. «Փանիկ գյուղում ոչինչ տեղի չի ունեցել: Իրականացվել են մարտական պատրաստության պլանային միջոցառումներ, որոնք համաձայնեցվել են հայկական կողմի հետ»: Այդ մասին հայտարարել է 102-րդ ռազմակայանի հրամանատար, գնդապետ Վլադիմիր Ելկանովը Գյումրիում տեղակայված 102-րդ ռազմակայանի տարածքում անցկացված կլոր սեղան-քննարկման ժամանակ։
Նա նշել է, որ հրաձգություն տեղի չի ունեցել, այլ եղել է հրաձգության իմիտացիա:
Հիշեցնենք, որ Կառավարության նիստին ՀՀ վարչապետ Նիկոլ Փաշինյանն անդրադարձավ Շիրակի մարզի Փանիկ գյուղում տեղի ունեցած միջադեպին:
Հիշեցնենք նաև. հուլիսի 17-ին ՌԴ 102-րդ ռազմաբազայի ստորաբաժանումները, առանց զգուշացման եւ առանց փաստաթղթերի, մտել են Շիրակի մարզի Փանիկ գյուղ եւ զորավարժանք իրականացրել: Պայթյուններ եւ կրակոցներ են հնչել: Ավելի ուշ ռուսական ռազմաբազայի պաշտոնյան ներողություն է խնդրել առանց զգուշացման զինավարժություն անցկացնելու համար:
