Հերթական ավազակային հարձակումն է տեղի ունեցել Երևանի Քանաքեռ-Զեյթուն վարչական շրջանում գործող Varks.am կազմակերպության գրասենյակում: Այս մասին հայտնում է Shamshyan.com–ը։
Ժամը 19:20-ի սահմաններում անհայտ անձը մտել է Քանաքեռ-Զեյթուն վարչական շրջանում գործող Varks.am կազմակերպության գրասենյակ և դանակի սպառնալիքի տակ հափշտակել խոշոր չափի գումար:
Փաստի առթիվ քննչական բաժնում ավազակային հարձակում կատարելու հատկանիշներով հարուցվել է քրեական գործ:
Գ. Շամշյանի տեղեկություններով՝ հանցագործի դեմքը բաց է եղել և նա Varks.am-ից հափշտակել է մոտ 600 հազար դրամ:
Ավելի վաղ հայտնել էինք, որ այսօր Ժամը 09։00-ի սահմաններում Արաբկիր վարչական շրջանում՝ Կոմիտաս 12 հասցեում գործող Varks.am կազմակերպության գրասենյակում էլ ավազակային հարձայում էր տեղի ունեցել և այնտեղից հափշտակել էին խոշոր չափի գումար։
Հանցագործը եղել էր գլխարկով և երեսը բժշկական դիմակով փակած։ Նախնական տեղեկություններով հանցագործը հափշտակել էր 1 մլն դրամ։
Հիշեցնենք, որ նմանատիպ եւս մեկ դեպք էր գրանցվել հունվարի 14-ին, կրկին Varks.am-ից գումար էին հափշտակել: