Այսօր «Եռաբլուր» պանթեոնում լրագրողների հետ զրույցի ժամանակ ՀՀ վարչապետ Նիկոլ Փաշինյանը, անդրադառնալով պաշտպանության նախարար Դավիթ Տոնոյանի հայտարարությանը, թե վերաձևակերպում է «տարածքներ՝ խաղաղության դիմաց» ձևաչափը, ասաց.
«Եթե Դավիթ Տոնոյանն այլ հայտարարություն աներ, ես նրան կազատեի նախարարի պաշտոնից, որովհետեւ ի՞նչ է ասել նախարարը, ասել է, եթե հանկարծ պատերազմ լինի, մեր ձգտումը պետք է լինի հաղթել այդ պատերազմում։ Եթե հանկարծ պաշտպանության նախարարը այլ բան մտածի, նա պետք է նախարար չաշխատի։ Սա որեւէ կերպ ստվեր չի գցում կարգավորման խաղաղ գործընթացի վրա, ընդհակառակը՝ շեշտում է դրա կարեւորությունը»,-մասնավորապես ասաց վարչապետը՝ հավելելով․ «Պաշտպանության նախարարը գործում է վարչապետի ղեկավարման եւ ենթակայության ներքո․ սրա հետ կապված որեւէ հարց ունե՞ք»։
Հիշեցնենք, որ Նյու Յորքում հայ համայնքի հետ հանդիպմանը ՀՀ պաշտպանության նախարար Դավիթ Տոնոյանը հայտարարել էր.
«Ես`որպես պաշտպանության նախարար, ասում եմ՝ «տարածքներ՝ խաղաղության դիմաց» ձեւաչափը ես վերաձեւակերպել եմ, մենք հակառակն ենք անելու՝ «նոր պատերազմ՝ նոր տարածքների դիմաց: Ոչ մի բան չի զիջվելու»:
Կարդացեք նաև՝ Բաքուն արձագանքել է Դավիթ Տոնոյանի կոշտ հայտարարությանը
Մենք հակառակն ենք անում՝ նոր պատերազմ՝ նոր տարածքների դիմաց. Դավիթ Տոնոյանի կոշտ հայտարարությունը
Կարդացեք նաև՝ Քանի դեռ ԼՂ հակամարտությունը կարգավորված չէ, պետք է պատրաստ լինենք ցանկացած զարգացման. Նիկոլ Փաշինյան
Դիտեք նաև՝
