▲ Դեպի վեր

lang.iso lang.iso lang.iso

Դավիթ Սանասարյանի նկատմամբ խափանման միջոց է կիրառվել

ՊՎԾ աշխատակիցներին վերաբերող քրեական գործով ՊՎԾ պետ Դավիթ Սանասարյանը ներգրավվել է որպես կասկածյալ: Նրա նկատմամբ խափանման միջոց է ընտրվել՝ ստորագրություն չհեռանալու մասին։

 

 

 

 

 

 

 

 

«Փաստինֆո»-ն է գրում այս մասին և նշում, որ հարցմանն ի պատասխան՝ ԱԱԾ մամուլի կենտրոնից ոչ հերքեցին, ոչ հաստատեցին՝ խոստանալով ավելի ուշ պատասխանել։

 

 

 

 

 

 

 

Ավելի վաղ հաղորդվել էր, որ ԱԱԾ-ն քրեական գործ է հարուցել ՀՀ պետական վերահսկողության ծառայության պաշտոնատար անձանց կողմից պաշտոնեական դիրքի չարաշահմամբ պետական գնումների գործընթացին առերևույթ ապօրինի միջամտելու և օրինական ձեռնարկատիրական գործունեության համար խոչընդոտներ ստեղծելու դեպքերի առթիվ՝ ՀՀ քրեական օրենսգրքի 308-րդ հոդվածի 2-րդ մասի և 325-րդ հոդվածի 2-րդ մասի հատկանիշներով։

ՊՎԾ պետ Դավիթ Սանասարյանը ոչ հերքել է և ոչ է հաստատել է լուրը: 

«Ազատություն»-ն է գրում այս մասին և նշում, որ Սանասարյանն ասել է, որ իրեն որպես կասկածյալ ներգրավելու կամ չներգրավելու մասին լուրը նախաքննական գաղտնիք է և հավելել է, որ գործին չվնասելու համար չի կարող որևէ տեղեկություն տալ:

«Կսպասենք մինչև ԱԱԾ-ն պաշտոնական տեղեկատվություն հայտնի։ Ես շահագրգռված եմ, որ ամբողջությամբ այս գործը բացահայտվի, և որ մեղավորները պատասխանատվության ենթարկվեն»,- ասել է ՊՎԾ պետը:

Վերահրապարակումներում` մտքերն ու ինֆորմացիան կարող են չհամընկնել խմբագրության տեսակետի հետ: Ձեր տեսակետը կամ հերքումը կարող եք ուղարկել info@asekose.am-ին
Հասարակություն ավելին