Լրագրող Նարինե Կիրակոսյանի ֆեյսբուքյան գրառումը․ «Դավիթաշենի ավիրվող զբոսայգին․ Երևանն առանց ծառերի․
Մենք նման բան չենք ասել, որ անում եք, Ավինյա՛ն
Դավիթաշենի միակ հանրային զբոսայգին արդեն շուրջ 1 տարի է, ինչ արհեստականորեն անհասանելի է դարձել դավիթաշենցիների համար: Քաղաքապետարանի պատվերով այս զբոսայգում, իբրև թե՝ իրականացվում են վերանորոգման աշխատանքներ: Թե նորմալ սալարկուղիներով, ծառուղիներով, տաղավարներով ու նստարաններով այգուն այդ ի՞նչ էր պատահել, երևի միայն Ավինյանը գիտե: Անողոք փաստն այն է, որ զբոսայգին եզերված է «շինարարական» ցանկապատով, իսկ աշխատանքային տեմպերն էլ հուշում են, որ երբեմնի մարդաշատ զբոսայգին դեռ երկար ժամանակ կմնա այս կիսավեր ու քաղաքացիների համար փակ վիճակում: Դավիթաշենցիներից երևի վրեժ են լուծում... քպ-ին չընտրելու համար»: