ՀՀ վարչապետ Նիկոլ Փաշինյանը թվիթերում գրառում է կատարել 1988 թ. Սումգայիթի ջարդերի վերաբերյալ: Նա նշել է, որ տարիներ առաջ Ադրբեջանն այդպես է պատասխանել հայերի խաղաղ ցույցերին:
«1988 թ. փետրվարի 27-ի հարյուրավոր հայեր սպանվեցին եւ արտաքսվեցին Ադրբեջանից: Դա պատասխան էր Լեռնային Ղարաբաղի հայերի այն խաղաղ ցույցերին, որոնցով նրանք պաշտպանում էին ինքնորոշման իրենց իրավունքը: Այսօր մենք հիշում ենք Սումգայիթի կոտորածի զոհերին»,- գրել է նա:
Գրառմանը վարչապետն ավելացրել է «այլեւս երբեք» հեշթեգը:
