Նախորդ շաբաթ՝ երեքշաբթի օրը, Վերաքննիչ քրեական դատարանի նախագահ Տիգրան Սահակյանի աշխատասենյակի մոտ ինչ-որ մեկը հոգացել է բնական կարիքները։
Այս մասին գրում է ArmDaily.am-ը՝ հղում անելով իր ունեցած տեղեկություններին:
«Դատակական համակարգում տարակուսած են տեղի ունեցածից, որովհետև նախ, դատարանի նախագահի աշխատասենյակը փակ գոտի է, միայն դատարանի աշխատակիցները ունեն ել ու մուտի հնարավորություն եւ երկրորդ՝ այս տարիների ընթացքում երբեք չի եղել, որ որեւէ մեկը իր անհամաձայնությունը, վերաբերմունքը հայտներ նման էքսցենտրիկ քայլով։
Հարց է առաջանում՝ միթե տարածքում տեսախցիկ չկա, որ պարզեն՝ ով է արարքի հեղինակը։ Տեղի ունեցածի մեղավորներին հայտնաբերելու մյուս ուղին էլ համապատասխան փորձաքննություն անցկացնելն է, բայց չի բացառվում, որ կեղտը բերված լիներ նաև դրսից։
Կայքը կապ է հաստատել Վերաքննիչ դատարանի նախագահ Տիգրան Սահակյանի հետ՝ պարզելու, թե ինչ է տեղի ունեցել։
«Չեմ կարող ասել ու այդ լուրն էլ ես առաջին անգամ եմ լսում»,- ասել է Սահակյանը»,-գրել է սկզբնաղբյուր կայքը:
