Ռամզան Քադիրովը պատասխանում է սոցցանցերում իրեն վիրավորող ադրբեջանցիներին

Տեսանյութը՝ ԴՕԿ կուսակցության պատվավոր նախագահ Վարդան Ղուկասյանի տելեգրամյան ալիքից

«Ադրբեջանական ավիաուղիների» ինքնաթիռի կործանման կապակցությամբ Չեչնիայի իշխանությունները դեկտեմբերի 28-ին սուգ էին հայտարարել:

«Դեկտեմբերի 25-ին Ղազախստանի Հանրապետության Ակտաու քաղաքի շրջանում Բաքու-Գրոզնի չվերթով ընթացող Embraer 190 ինքնաթիռի ավիաաղետի կապակցությամբ, վշտակցություն հայտնելով զոհվածների հարազատներին ու մերձավորներին, որոշում եմ Չեչնիայի Հանրապետության տարածքում դեկտեմբերի 28-ին սուգ հայտարարել»,- ասված էր Չեչնիայի ղեկավար Ռամզան Կադիրովի ստորագրած փաստաթղթում:

Ղազախստանում կործանված «Ադրբեջանական ավիաուղիներ»-ի Embraer 190 ինքնաթիռը, որը թռչում էր Բաքվից Գրոզնի, ըստ նախնական տվյալների, ենթարկվել է «արտաքին ֆիզիկական և տեխնիկական ազդեցության»:

Օդային տրանսպորտի դաշնային գործակալության ղեկավար Դմիտրի Յադրովը դեկտեմբերի 27-ին հայտնել էր, որ նախքան ինքնաթիռի կործանումը, որը պետք է վայրէջք կատարեր Գրոզնիում, Չեչնիայի մայրաքաղաքի օդանավակայանում արգելվել են վայրէջքները ուկրաինական անօդաչու թռչող սարքերի հարձակման պատճառով։ Մինչ այդ, նրա խոսքով, օդաչուն երկու անգամ փորձել է վայրէջք կատարել, սակայն չի կարողացել դա անել մառախուղի պատճառով։ Դրանից հետո, ըստ Յադրովի, առաջարկել են իջեցնել ինքնաթիռը մոտակա օդանավակայաններից մեկում, սակայն օդաչուն որոշում է կայացրել թռչել Ակտաու Կասպից ծովի վրայով։

Դեկտեմբերի 25-ին «Ադրբեջանական ավիաուղիներ»-ին պատկանող Embraer 190 ինքնաթիռը կործանվել է Ղազախստանի Ակտաու քաղաքի մոտ՝ Բաքվից Գրոզնի թռչելիս։ Վթարի հետևանքով զոհվել է 38 ուղևոր, ողջ է մնացել 29 մարդ, այդ թվում՝ երեք երեխա։