Այսօր՝ հուլիսի 6-ին, ԱԺ-ում լրագրողների հետ զրույցում ՀՀ փոխոստիկանապետ Արա Ֆիդանյանը, անդրադառնալով նրան, որ նախօրեին պարգեւատրվել է նաեւ այն ոստիկանը, որը ցույցներից մեկի ժամանակ խեղդում էր քաղաքացուն, նշել է.
«Այդ մեկնաբանությունները սին են ու հիմնազուրկ: Դրանք որեւէ կերպ չեն կարող համապատասխանել իրականությանը, որովհետեւ այս ընթացքում գրեթե ողջ ոստիկանական համակարգը մասնակցում էր հանրահավաքների ընթացքում ծառայության իրականացմանը: Սակայն բացի այս հանրահավաքների ընթացքում ծառայությունից, ոստիկաններն իրականացնում են նաեւ այլ ծառայություններ, այլ գործառույթներ եւ յուրաքանչյուրն արժանանում է համապատասխան գնահատականի»,- ասել է Ֆիդանյանը:
